ڕۆژی هه‌ینی ١٤ی مانگی گه‌لاوێژ، لاوێكی ته‌مه‌ن ٣٦ ساڵ كه بۆ سه‌یران ڕووی له ناوچه‌ی مێژووی “ته‌ختی سڵێمان” كردبوو، به‌ربۆوه‌وه نێوه زیندانی سڵێمان و گیانی له‌ده‌ستدا.
به‌پێی ڕاپۆرته‌كان، پاش ڕووداوه‌كه هێزه‌كانی ئاگركوژێنه‌وه گه‌یشتوونه‌ته شوێنی ڕووداوه‌كه و عه‌مه‌لیاتی ده‌رهێنانی ته‌رمه‌كه‌یان له ماوه‌ی پێنج كاتژمێردا ئه‌نجامداوه. جێگای ئاماژه‌یه كه نه‌بوونی خزمه‌تگوزاری پێویست به توریسم و نه‌بوونی ئیمه‌نی له شوێنه‌واره مێژوویه‌كان، هۆكاری ڕوودانی ڕووداوی له‌و شێوه‌یه.