سه‌ر له‌به‌یانی ڕۆژی سێشه‌ممه ١ی مانگی خه‌رمانان، كرێكارێكی بیناسازی به‌ناوی “به‌رزان یووسفی” خه‌ڵكی گوندی “دگاگا”ی سه‌ر به شارستانی مه‌ریوان، له شوێنی كاره‌كه‌ی له هه‌رێمی كوردستان، به‌هۆی به‌ربوونه‌وه له‌به‌رزایی گیانی له‌ده‌ستداوه.
به سدان كرێكار له شاره جۆراوجۆره‌كانی ئێران و به‌تایبه‌ت ڕۆژهه‌ڵاتی كوردستان، به‌هۆی هه‌ژاری و بێكاریه‌وه ڕوو له هه‌رێمی كوردستان ده‌كه‌ن و له زۆربه‌ی مافه‌كانیان وه‌كوو حه‌قده‌ست و بیمه بێبه‌شن و له شوێنی كاره‌كه‌یان له ئیمكاناتی ئیمه‌نیش بێبه‌رین، هه‌ر به‌و هۆیه‌وه ساڵانه چه‌ندین كرێكار به‌هۆی نه‌بوونی ئیمه‌نی شوێنی كار تووشی ڕووداوی كار ده‌بن.