به‌هۆی گه‌رده‌لوولی “ئاگاتا” و بارینی بارانی به‌خۆڕی ڕۆژانی ڕابردوو له وڵاتی كووبا، لاینكه‌م سێ كه‌س گیانیان له‌ده‌ستدا و به‌ده‌یان ماڵ ڕووخان و شه‌قامه‌كانی “هاوانا“ی پایته‌خت كه‌وته ژێرئاو.
به وته‌ی به‌رپرسانی ده‌وڵه‌تی كووبا، تا ئێستا لانیكه‌م ٤٠٠ كه‌س له په‌ناگه‌كاندا نیشته‌جێ كراون و زیاتر له ١٨٠٠ كه‌سی دیكه‌ش گوازراونه‌ته‌وه بۆ ناوچه‌كانی دیكه، سێ كه‌س گیانیان له‌ده‌ستداوه و به‌ده‌یان كه‌سیش به‌هۆی ڕووخانی ماڵه‌كانیانه‌وه بریندار بوون.