نیوه‌ڕۆی ڕۆژی پێنجشه‌ممه ١٤ی پووشپه‌ڕ، ئۆتومبێلی دوو سووختبه‌ری به‌لووچ به‌هۆی پێكدادان له‌گه‌ڵ مینی بووسێك له مێحوه‌ری ڕاسه‌ك و نزیكی گوندی “جه‌نگه‌ڵ” له نێو ئاگردا سووتان و گیانیان له ده‌ست دا.
به‌پێی زانیارییه‌كان، پاش ئه‌و ڕووداوه هێزه‌كانی ئاگركوژێنه‌وه دێر هاتوون به‌ڵام ئاو و ئیمكاناتی پێوێستیان پێ نه‌بووه و ئه‌و سووختبه‌ره به هۆی كه‌مته‌رخه‌می به‌رپرسانی ڕژیم له نێو ئاگردا سووتاون و گیانیان له ده‌ست داوه. جێگای ئاماژه‌یه كه ناسنامه‌ی ئه‌و دوو سووختبه‌ره هێشتا ڕوون نه‌كراوه‌ته‌وه.