ڕۆژی ڕابردوو، به‌هۆی پێكدادانی سرویسی هاتوچۆی كرێكارانی شاره‌داری تاران له‌گه‌ڵ ئۆتۆمبیلێكی دیكه، چوار كرێكار گیانیان له ده‌ستدا.
به پێی دوایین زانیارییه‌كان، ٣ كرێكاری ئه‌م ڕووداوه ده‌ستبه‌جێ گیانیان له ده‌ستداوه، كرێكارێكی دیكه پاش گواستنه‌وه‌ی بۆ نه‌خۆشخانه به هۆی سه‌ختی برینه‌كانی گیانی له ده‌ستداوه و هه‌روه‌ها دۆخی ته‌ندروستی چه‌ند كه‌سی دیكه‌ی ئه‌م كاره‌ساته له خراپیدایه. شایانی باسه ساڵانه به هۆی بایه‌خ نه‌دانی به‌رپرسانی ڕژیم به دۆخی سرویسی هاتوچۆی كرێكاران له ئێران، كۆمه‌ڵێكی زۆر له كرێكاران گیانیان له ده‌ست ئه‌ده‌ن یان بریندار و كه‌م ئه‌ندام ده‌بن.