بۆ ماوه‌ی حه‌فته‌یه‌ك له‌مه‌وبه‌ر، په‌نابه‌رێكی ئێرانی له سنووری هاوبه‌شی نیوانی وڵاتانی بلاروس و له‌هستان، له دوای چه‌ند جارێك دێپۆرت و سه‌رگردانی، به هۆی هێرش كردنی پۆلیسی له‌هستان گیانی له ده‌ست دا.
به پێی ڕاپۆرته‌كان، سێ په‌نابه‌ری ئێرانی، له دوای سه‌رگردانی بۆ ماوه‌ی ٢٠ ڕۆژ له سنووری هاوبه‌شی نیوان وڵاتانی بلاروس و له‌هستان،به هۆی هێرشی پۆلیسی له‌هستان بۆ سه‌ر په‌نابه‌ران، یه‌كێك له‌و سێ كه‌سه به ناوی” پوریا خاوه‌ری” ته‌مه‌ن ٣٤ ساڵ، گیانی له ده‌ست و دوو كه‌سی دیكه‌ش به ناوه‌كانی “هوشمه‌ند مورادی و “محه‌ممه‌د” به سه‌ختی بریندار بوون و بۆ ناوه‌نده ده‌رمانییه‌كان گواسترانه‌وه.