ڕۆژی یه‌كشه‌ممه ١٠ی خاكه‌لێوه‌ی ١٤٠٤، ژنێكی دووگیانی به‌لووچ به ناوی نیگار عه‌بدۆڵڵاهی ته‌مه‌ن ٢٥ ساڵ به‌هۆی نه‌بوونی ئیمكاناتی بێهداشتی و ده‌رمانی له نه‌خۆشخانه‌ی چابه‌هار گیانی له‌ده‌ست دا.
به وته‌ی چالاكانی مه‌ده‌نی به‌لووچستان، نیگار عه‌بدۆڵڵاهی له مانگی حه‌وته‌می دووگیانی دا سه‌ردانی نه‌خۆشخانه‌ی چابه‌هاری كردووه، به‌ڵام به‌هۆی نه‌بوونی كادری ده‌رمانی بسپۆڕ دوو كۆرپه‌ڵه‌ی نێو مناڵدانی گیانیان له‌ده‌ست داوه و پزیشكان عه‌ملیاتی سزاریه‌نیان بۆ نه‌كردووه. كاتێك نیگار تووشی خوێنبه‌ربوونی سه‌خت ده‌بێت ڕه‌وانه‌ی به‌شی (ئای.سی.یوو) ده‌كرێت، به‌ڵام نه‌بوونی ئیمكاناتی پزیشكی ده‌بێته هۆی گیانبه‌ختكردنی و ته‌رمه‌كه‌ی ڕاده‌ستی بنه‌ماڵه‌كه‌ی ده‌كرێت.