ڕۆژی سێشه‌ممه ٢٦ی پووشپه‌ڕ، فڕۆكه‌كانی ئیسڕائیل شوێنی كۆبوونه‌وه‌ی ئاواره فه‌له‌ستینیه‌كانیان له مه‌یدانی شه‌یخ زایه‌د له باكووری غه‌زه بۆردوومان كرد و به‌هۆیه‌وه ٣٠ كه‌س گیانیان له‌ده‌ست دا.
به‌پێی ڕاپۆرتی ئاسۆشه‌یتدپرێس، وێڕای گیانله‌ده‌ستدانی ٣٠ فه‌له‌ستینی، به ده‌یان كه‌س بریندار و ڕه‌وانه‌ی نه‌خۆشخانه‌كانی ناسر له ڕه‌فه‌ح و ئه‌ل ئه‌قسا له ده‌یربه‌لاح كراون. له سێ ڕۆژی ڕابردوودا، به ده‌یان فه‌له‌ستینی بێبه‌ش له سه‌رپه‌نا و خۆراك، له بۆردوومانه‌كانی ئه‌رته‌شی ئیسڕائیل بۆ سه‌ر غه‌زه كوژراون و كۆمه‌ڵگای حیهانی له ئاست ئه‌و جه‌نایه‌ته بێده‌نگی ڕاگرتووه. به پێی دوایین ئاماره‌كانی بێهداشتی غه‌زه، ڕێژه‌ی كوژراوه‌كان بۆ ٣٨ هه‌زار و ٥٠٠ كه‌س به‌رز بووه‌ته‌وه و ژنان و منداڵانی غه‌زه تووشی كه‌م خۆراكی و نه‌خۆشی جۆراوجۆر بوون.