ڕۆژی یه‌كشه‌ممه ١٣ی خه‌زه‌ڵوه‌ر، قوتابییه‌كی ته‌مه‌ن ٨ ساڵی كچ له گوندی “دریاس”ی سه‌ر به شاری مهاباد به‌هۆی ڕووداوی هاتووچۆ گیانی له ده‌ست دا.
به وته‌ی هاووڵاتیان، ئۆتۆمبێلێكی فیات كه وه‌كوو سرویسی گواستنه‌وه‌ی قوتابیان به كار هێندراوه به هۆی كه‌مته‌رخه‌می شۆفێره‌كه‌ی به‌ر قوتابییه‌كی كچی ته‌مه‌ن ٨ ساڵ كه‌وتووه و ئه‌و قوتاباییه به‌هۆی قورسی برینه‌كانی له نه‌خۆشخانه گیانی له‌ده‌ست داوه. به وته‌ی هاونیشتمانیان، دابینكردنی ئیمكاناتی په‌روه‌رده و سرویسی گواستنه‌وه بۆ قوتابیان به تایبه‌ت له گونده‌كان، ئه‌ركی ئامووزش و په‌روه‌رشی حكوومه‌ته، به‌ڵام به‌رپرسانی ڕژیم بایه‌خ به گیان و ته‌ندرووستی قوتابیان ناده‌ن.