له ماوه‌ی ڕۆژانی ڕابردوودا، دوو كرێكاری خه‌ڵكی شاره‌كانی سه‌وڵاوا و دیوانده‌ره به ناوه‌كانی “په‌یام ئه‌حمه‌دی” و “عه‌بدۆڵڵا وه‌یسی” له دوو ڕووداوی جیاجیادا به هۆی به‌رق گرتوویی گیانیان له ده‌ست داوه.
به پێی ڕاپۆرته‌كان، کرێکارێکی لاوی خەڵکی گوندی “بۆرییەر“ی سه‌ر به شارۆچكه‌ی “سەوڵاوا” بە ناوی “پەیام ئەحمەدی” لە کاتی کار کردندا لە شاری سنە، بە هۆی به‌رق گرتووییه‌وه گیانی لە دەست داوە. لە لایەکی دیکەوە، شۆفێرێکی خەڵکی دیواندەرە بە ناوی “عەبدوڵڵا وەیسی” لە یه‌كێك له ڕێگاكان باشووری ئێران بە هۆی پێكدادانی كامیۆنه‌كه‌ی له‌گه‌ڵ ئامێری گواستنەوەی به‌رقدا، دەستبەجێ گیانی لە دەست داوە.