گیانله‌ده‌ستدانی ده‌یان كه‌س به‌هۆی كه‌وتنه‌خواره‌وه‌ی فڕۆكه‌ له‌ قه‌زاقستان

ڕۆژی چوارشه‌ممه‌ ٥ی به‌فرانبار، فڕۆكه‌یه‌كی موسافیربه‌ری ئازه‌ربایجان له‌ وڵاتی قه‌زاقستان كه‌وته‌ خواره‌وه‌ و به‌وهۆیه‌وه‌ ده‌یان كه‌س گیانیان له‌ده‌ست دا.

به‌پێی ڕاپۆرته‌كان، فڕۆكه‌كه‌ ٧٢ سه‌رنشینی هه‌بووه‌ و ٢٧ كه‌س ڕزگار كراون و ٤٥ كه‌س گیانیان له‌ده‌ست داوه‌. به‌ وته‌ی به‌رپرسانی ئۆرژانسی قه‌زاقستان، دۆخی ته‌ندرووستی هه‌ندێك له‌ برینداره‌كان ناجێگیره‌ و ئه‌گه‌ری هه‌یه‌ ڕێژه‌ی قوربانیان بڕواته‌ سه‌ره‌وه‌.