ڕۆژی دووشه‌ممه ٢٤ی به‌فرانبار، سێ شه‌رڤانی ی.پ.ژ له هێرشی په‌هبادی توركیا بۆ سه‌ر به‌ندئاوی تشرین له كۆبانی گیانیان به‌خت كرد.
ڕۆژی ڕابردوو، تیرۆریستانی سه‌ر به ده‌وڵه‌تی توركیا به پشتیوانی تۆپخانه و هێرشی ئاسمانی ئه‌رته‌شی تورك هێرشیان كرده سه‌ر گونده‌كانی منبج و به‌ندئاوی تشرین له كۆبانی، به‌ڵام هه‌موو هه‌وڵه‌كانیان شكستی هێنا و به ده‌یان چه‌كداریان كوژرا و بریندار بوون. له به‌رانبه‌ر دا سێ شه‌رڤانی ی.پ.ژ له هێرشی په‌هبادی توركیا له پردی قه‌ره‌قۆزاق گیانیان به‌خت كرد. شایانی باسه كه ڕۆژی ڕابردوو خه‌ڵكی عه‌ره‌ب له شاره‌كانی ڕه‌قا، ده‌یره‌زوور و ته‌بقا په‌یوه‌ست به خه‌ڵكی مانگرتوو له‌سه‌ر به‌ندئاوی تشرین بوون و پشتیوانی خۆیان له هێزه‌كانی سووریای دیمۆكراتیك ڕاگه‌یاند.