ڕاپۆرته‌كان باس له‌وه ده‌كه‌ن كه هێزەكانی ئینتیزامی ڕژیم لە گوندێکی پیرانشار بە شیوەی نایاسایی دەستدرێژییان کردووەتە سەر كه‌لوپه‌لی خەڵک و زه‌وتیان کردووە و دواتر پێیانیان فرۆشتوونه‌ته‌وه.
بەپێی ئه‌م ڕاپۆرته، له‌ماوه‌ی چه‌ند ڕۆژی ڕابردوودا هێزەكانی ئینتیزامی ڕژیم جێگیر لە پاسگای سیلوێ سەر بە پیرانشار، هێرشیان کردووەتە سەر خەڵکی گوندی گردەسوور و بەبێ هیچ بەڵگەیەک و بە زۆره‌ملێ لە ژێر ناوی بەرەنگاربوونەوەی قاچاخ، دەستیان داوەتە تاڵان و ڕاوڕووت. شایانی باسه، لەم هەوڵەدا لانیکەم ٥٣ سەر ئەسپی هاووڵاتییان کە تەنیا سەرچاوەی داهاتی ئەوان بووە زەوت کراوە و دواتر هەڕاج کراوە و هەر ئەسبێک بە بڕی دوو میلیۆن و ٩٠٠ هەزار تمەن بە خاوەنەکانیان فرۆشراوەتەوە.