پلینۆمی شەشەمی کومیتەی ناوەندی حیزبی کومونیستی ئێران، لە رۆژەکانی شەممە و یەکشەممە ٧ و٨ی مانگی خه‌رمانانی ١٣٩٤ بەرابەر لەگەڵ ٢٩ و ٣٠ی ئوتی ٢٠١٥ بە ئامادەبوونی هاوڕێیانی کومیتەی ناوەندی حێزب و هاوڕێیانی کومیتەی ناوەندی کۆمەڵە کە وەک چاودێر بانگهێشتی ئەم کۆبونەوەیە کرابوون، بەڕێوەچوو. لەم پلینۆمەدا دوای هەڵسەنگاندنی راپۆرتی سیاسی و تەشکیلاتی کومیتەی ئیجرایی و بەرپرسانی ئۆرگانە حیزبیەکان بە پلینۆم، پێڕاگەیشتن بە قەرارە پێشنیار کراوەکان و ئاڕایش و تەقسیم کاری کومیتەی ناوەندی خرایە دەستوری کارەوە.لە گوزارشە سیاسیەکەی کومیتەی ئیجرایی و قسەوباس کردن لەسەری وێڕای ئاماژە بەو فاکتۆڕە عەینیانەی بەردەوامی قەیرانی جیهانی سەرمایەداری نیشان ئەدەن و ئاسەوارە سیاسی و کۆمەڵایەتیەکانی و کاریگەریەکانی لەسەر توند بوونەوەی ڕقابەت و کێشمەکێشی نێوان زلهێزە سەرماداریەکانسه‌رنجی تایبەت خرایەسەر قەیرانی جیهانی پەنابەری و ئەو دەرسانەی کە پێویستە لە قەیرانی یۆنان وەربگیرێت. لەم بەشە لە قسەوباسەکانی پلینۆم هەروەها قەیرانی سیاسی و حکومەتی لە تورکیە، بارودۆخی عێڕاق و ئاسەوارەکانی تەوافوقی هەستەیی ویەن بەسەر بارودۆخی ئێرانەوە و مەوقعیەتی کۆماری ئیسلامی لە ناوچەکەدا قسەیان له‌سه‌رکرا.سەبارەت بە قەیرانی پەنابەری ئەوەی کە ئەم دیاردەیەی کردۆتە قەیرانێکی جیهانی، ئاستی بەرین و روو لە پەرەسەندن و تڕاژدیە ئینسانیەکەی،
سیاسەتی دژی پەنابەری و داماوی دەوڵەتانی سەرمایەداری ئوروپایی لە بەرەنگار بوونەوە لەگەڵ ئەم قەیرانەدایە.بەپێی راپۆرتی ئاماری کومیساریای باڵای کاروباری پەنابەرانی رێكخراوی نه‌ته‌وه‌یه‌كگرتووه‌كان لە ساڵی ٢٠١٤ دا نزیکەی ٦٠ ملیۆن کەس بەهۆی شەڕ و تێهەڵچون و قەیرانە جۆراوجۆرەکان، شوێنی ژیانیان بەجێهێشتوە و ئاوارە بوون. ئەم ڕەقەمە کە لە ساڵی ٢٠١٥ دا بەرەو هەڵشكان چووە، بەرزترین رێژەی ئاوارە بوون و کۆچبەریە لە دوای شەڕی دووهەمی جیهانیەوە تا ئێستا. لەکۆی ئەم ٦٠ ملیۆن کەسە ٢٠ ملیۆنیان پەنایان بردۆتە دەرەوەی وڵاتەکانیان. دوای سوریە، ئەفغانستان، سومالی و عێڕاق زۆرترین ئاوارەیان هەیە. بەپێی ئامارەکان تەنیا لە ساڵی ٢٠١٥ دا زیاتر لە ٣٥٠٠ پەنابەر لە دەریادا خنکاون. ئەگەرچی حاکمیەتی نیزامە دیکتاتۆڕیەکان، نەبوونی ئازادیە سیاسیەکان و نەبوونی ئەمنیەتی گیانی لە وڵاتانی کەمتر پێشکەوتوی سەرمایەداریدا و دیکتە کردنی سیاسەتی نیئۆلیبڕالی و بەرنامەی ڕیازەتی ئابووری لە لایەن ناوەندە ماڵیە جیهانیەکانەوە بە دەوڵەتانی حاکم لەو وڵاتانەدا و بێکاری و هەژاری و فەلاکەتی ئابووری و داهاتوی نادیار بەردەوام یەکێک لە هۆکارەکانی هەڵاتن لە وڵات و پەنابردنەبەر شوێنێکی ئەمنتر بووە، بەڵام ئاستی جیهانی قەیرانی پەنابەری لەم دەورەیەدا ڕیشەی لە قەیرانی جیهانی سەرمایەداریدایە. قەیرانی جیهانی سەرمایەداری کە ٧ ساڵ لەوەپێش سەرەتا لە ئامریکا و دواتر لە حەوزەی یورۆ سەریهەڵدا، ئەگەر لە بواری نێوخۆییدا پەیڕەو کردنی توندترین بەرنامە ڕیازەتیە ئابووریەکان لەدژی کرێکاران و توێژی بێبەشی کۆمەڵگای بەشوێنە بوو لە بواری نێونەتەوەییدا ڕقابەتی زلهێزە سەرمایەداریەکان بەتایبەت لە کانونەکانی قەیرانی وەک خاوەرمیانە، باکوری ئافریقا و ئۆکڕایندا و پەرەسەندنی شەڕ و نائەمنی و ئاوارەیی بەشوێنەوە بووە. دەوڵەتانی ئوروپایی و ڕاگەیەنەرەکانی سەربەوان کە لە لوتکەی ڕه‌زالەت و عەوام فریوی لەم رۆژانەدا بەردی داکۆکی لە ئەمنیەتی گیانی پەنابەرانیان لە سنگ ئەدا، خۆیان پایەکی قەیران و شەڕ و کوشتار و ئاوارە بوونی بەملیۆن کەسن لە ناوچە قەیران لێدراوەکانی دنیادا. دەوڵەتانی ئوروپایی کە لەژێر گوشاری ڕای گشتیدا ژێستی بەشەردۆستانە بەخۆیانەوە دەگرن، بەڵام لە هەمانحاڵدا بە توند کردنەوەی قانون و ئێقداماتی پێوەندیدار بە پارێزگاری کردن لە سنورەکان، مەسیری تێپەڕ بوونی پەنابەرەکانیان کردۆتە گوزەرگای مەرگ. لە بەرانبەر ئەم کردارە دژی ئینسانیانەی دەوڵەتانی ئوروپایی دایە کە خەڵکی ئوتریش لە ڕێپێوانێکی جەماوریدا بۆ دەربڕینی ناڕەزایەتی بەم سیاسەتانە خوازیاری پارێزگاری کردن لە گیانی پەنابەران بە جێگای پاراستنی سنورەکان بوون. ڕێگاچارە ئەمەیە، لە کورتماوەدا و بۆ کۆتایی هێنان بە کارەساتێکی ئینسانی کە هەموو رۆژێک لە مەسیری تێپەڕبوونی پەنابەراندا تێکرار دەبێتەوە دەبێ سنوری وڵاتانی ئوروپایی بەشێوەی قانونی و بەکردەوە بە رووی پەنابەراندا کراوە بێت و ئیمکاناتی ژیانێکی ئینسانیان بۆ فەراهەم بکرێت. بەڵام ئاستی قەیرانی پێوەندیدار بە پەنابەرانەوە گەلێک بانتر لەمانەیە. لە ٦٠ ملیۆن کەسێك کە لەم ساڵانەی دواییدا بەهۆی شەڕ و کوشتار و نائەمنی شوێنی ژیان و مانەوەی خۆیان جێهێشتوە تەنیا ٢ ملیۆن کەسیان رویانکردۆتە ئوروپا کە دەوڵەتانی حاکمی بەمشێوەیە هەراسان کردووە. بۆ ئاشنا بوون لەگەڵ ئاستی ئەم کارەساتە دەبێ سەردانی ئۆردوگا و کەمپەکانی پەنابەران لە تورکیە، ئۆردۆن، لوبنان، کوردستانی عێڕاق و باشوری سودان و هیتر بکەی و بارودۆخی پەنابەرانی سەگەردان لە بەندەرەکانی لیبی لە نزیکەوە ببینی تا ئاستی ئەم کارەساتە ئینسانیە زیاتر ئاشکرا بێت. دەوڵەتانی سەرمایەداری حاکم لە ئوروپا بۆ کۆتایی هێنان بە قەیرانی کۆچبەری دەبێ دەست لە میلیتاریسم و سیاسەتی ده‌خاڵەتگەرانە لە ناوچە جۆرار و جۆرەکانی دنیا هەڵگرن، دەبێ بە پشتیوانی سیاسی و تەسلیحاتی لە حکومەتە کۆنەپەرستەکان کە خۆیان پایەکی شەڕ و بشێوی و نائەمنی لەم ناوچانەدا کۆتایی بێنن، نابێ لەوە زیاتر بە تاڵان کردنی سەرچاوە و داسەپاندنی ریازەتی ئابووری خەڵکی ناوچە کەمتر گەشە کردوەکانی دنیا توشی بێکاری و هەژاری و فەلاکەت بکەن. بەڵام ئەمانە تەنیا وێنایەکن لە ماهیەتی ڕاستەقینەی نیزامی سەرمایەداری و گۆشیەک لە ڕواڵەتی دزێوی ئەم نیزامە لە دەورەی قەیراندا. کۆتایی هێنان بەم بارودۆخە و شۆڕش کردن لەدژی کاری چینی کرێکار و جەماوەری ئینسانە وشیار و یەکگرتووەکانە.
