له ڕۆژانی ڕابردوودا، دوو خۆشك و برا به ناوه‌كانی سروه و په‌یمان شیری خه‌ڵكی گوندی ته‌رغه‌ی سه‌ر به شاری بۆكان به مه‌به‌ستی تێپه‌ڕكردنی ماوه‌ی به‌ندكرانیان ده‌ستبه‌سه‌ر و ڕه‌وانه‌ی زیندانه‌كانی بۆكان و ورمێ كراون.
سروه‌ی ته‌مه‌ن ٢٢ ساڵ و په‌یمانی ته‌مه‌ن ١٩ ساڵ ڕۆژی ٤ی ڕه‌زبه‌ری ئه‌مساڵ له‌لایه‌ن هێزه‌كانی حكوومه‌ته‌وه ده‌ستبه‌سه‌ر كران. ئه‌و دوو هاووڵاتیه له‌لایه‌ن ده‌زگای قه‌زایی ڕژیمه‌وه به “هاوكاری له‌گه‌ڵ یه‌كێك له حیزبه نه‌یاره‌كانی ڕژیم” تۆمه‌تبار و سروه به ٨ مانگ و په‌یمان به شه‌ش مانگ زیندانی ته‌عزیزی مه‌حكووم كرا.