بەپێی زانیارییە بڵاوکراوەکان، ژێرخانەی ئینتەرنێتی ئێران لە ڕۆژانی ڕابردوودا تووشی گرفتێکی گەورە بووە و هەندێک بەکارهێنەر ناتوانن پەیوەندی بە ئینتەرنێتی نێودەوڵەتی بکەن.
بەپێی ڕاپۆرتی ناوەندی چاودێری ئینتەرنێت “نێت بلۆکس“، یەکێک لە تۆڕە گرنگەکانی ژێرخانەی ئینتەرنێت لە ئێران تووشی کێشەیەکی گەورە بووە. بەپێی هەمان زانیارییانە، ئەم تۆڕە یەکێک بووە لە ڕێگاکانی گرنگی پەیوەندییەکان کە لە کاتی سنووردارکردنی ئینتەرنێتدا هێشتا بە شێوەیەکی سنووردار چالاک بوو. شایانی باسە کە بەپێی هەندێک سەرچاوە ئەم گرفته لە کاتێکدا ڕوویداوە کە هەوڵەکان بۆ سنووردارکردنی بڵاوبوونەوەی زانیاری لە ناو وڵاتدا بەرز بووەتەوە.