ڕۆژی دووشەممە 6ی مانگی گوڵان، کرێکارانی “بەندەرەکان و دەریاوانی” خوزستان لە ناڕەزایەتی بە دەرکران و ئازار و ئەزیەتی دوو کەس لە هاوکارەکانیان، درێژەیان بە ناڕەزایەتییەکەیان دا.
کرێکارانی بەشە جیاجیاکانی ئێدارەی گشتی “بەندەرەکان و دەریاوانی” ئوستانی خوزستان لە درێژەی مانگرتن و ناڕەزایەتییەکانیان بە دەرکردنی هاوکارەکانیان و بۆ پێڕاگەیشتنی سەرجەم داواکارییەکانیان لە بەرامبەر فەرمانداری ماهشەهر کوبوونەوە. کرێکارانی مانگرتوو خوازیاری گەڕاندنەوەی هاوکارەکانیان بۆ سەر کارو پێڕاگەیشتنی داواکارییەکانیانن.