ئەمرۆ دووشەممە ٢٣ی خەرمانان، خانەنشینکراوانی موخابرات لە شاری سنە دژ بە وەدینەهاتنی بەڵێنەکانی بەرپرسان کۆبوونەوە.
خانەنشینکراوانی ناڕازی بە وتنەوەی درووشم دژ بە دەسەڵاتدارانی ڕژیمی کۆماری ئیسلامی و هەڵکردنەوەی پلاکارد، خوازیاری بەرزکردنەوەی ئاستی حەقدەست بەپێی ڕێژەی هەڵاوسان، دابین کردنی بیمەی دەرمانی کارامە، پێدانی حەقدەست و مەزایا دواخراوەکان و هەروەها کۆتایی هاتنی گوشاری ناوەندە ئەمنیەکان بۆ سەر خانەنشینکراوانی ناڕازی بوون.