ڕۆژی شه‌ممه ٧ی مانگی گه‌لاوێژ، بنه‌ماڵه‌ی “ژینا ئه‌مینی” هاوڕێ له‌گه‌ڵ كۆمه‌ڵێك له ئازادیخوازانی شاری سه‌قز له‌سه‌ر مه‌زاری ئه‌و هه‌میشه زیندووه كۆبوونه‌وه و ڕێزیان له بیره‌وه‌رییه‌كانی گرت.
به‌پێی ئه‌و گرته‌ویدیۆیانه‌ی له‌لایه‌ن “موژگان ئێفتخاری” دایكی “ژینا” له تۆڕه كۆمه‌ڵایه‌تیه‌كان بڵاو كراوه‌ته‌وه، كۆمه‌ڵێك له هه‌نه‌رمه‌ندان به ژه‌نینی موزیك به ئامێری تار له‌سه‌ر گڵكۆی “ژینا ئه‌مینی”، ڕێزیان له بیره‌وه‌رییه‌كانی گرت و په‌یمانیان له‌گه‌ڵ ئاواته‌كانی نوێ كرده‌وه.