له حه‌فته‌مین ساڵڕۆژی گیانبه‌ختكردنی چوار شه‌هیدی ژینگه له شاری مه‌ریوان، هاووڵاتیان به كۆبوونه‌وه له سه‌ر به‌رزاییه‌كانی ئه‌و شاره، یادیان به‌رز ڕاگرتن.
“شه‌ریف باجوور، ڕه‌حمه‌ت حه‌كیمی نیا، ئومید كۆهنه پۆشی و محه‌ممه‌د په‌ژوهی”، له كاتی كوژاندنه‌وه‌ی ئاگری دارستانه‌كانی ئه‌و شاره، له ئاگردا گیانیان له ده‌ستدا و بوون به هێمای خۆڕاگری خه‌ڵك له دژی كاولكارییه‌كانی ڕژیم له كوردستاندا. له مه‌راسیمه‌كه‌دا چالاكانی ژینگه‌یی، خه‌ڵكی ئه‌و شاره و هه‌روه‌ها بنه‌ماڵه‌ی قوربانیان، له‌گه‌ڵ گیانبه‌ختكردووان په‌یمانیان نوێ كرده‌وه و جه‌ختیان له سه‌ر ئه‌وه كرده‌وه كه به‌رده‌وام ئه‌بن له پاراستنی ژینگه‌ی كوردستان.