لە ئەنجامی سێ هێرش لە باکوور و باشووری بەغداد، سێ کەس کوژران و لانیکەم ١٠ كه‌سی دیکەش برینداربوون.
پۆلیسی بەغداد ڕایگەیاند، “دوو هێرش کە یەکیان لە رێگەی پشتێنی بۆمبڕێژکراو و ئەوەی دیکەیان لە رێگەی بۆمبی چێنراو ئەنجامدران، پرسەیەکیان لە حوسێنیەیەک لە ناوچەی مەعالف باشووری بەغداد، کردە ئامانج و لە ئەنجامی هەردوو هێرشەکەدا لانیکەم دوو کەس کوژران و شەش كه‌سی دیکە برینداربوون. ناوبراو وتیشی، “لە رووداوێکی دیکەدا و لە ئاکامی تەقینەوەی موتۆڕسیکلێک لە ناوچەی سەبع بوور باکووری ئه‌مشاره، كه‌سێك کوژرا و چوار كه‌سی دیکەش بریندار بوون. جێگه‌ی ئاماژه‌یه، هێزێکی سەر بە فەرماندەیی ئۆپەراسیۆنەکانی بەغداد هێرشێکی دیکەیان پوچەڵکردەوە کە لە رێگەی ئۆتۆمبێلێکی بۆمبڕێژکراو لە ناوچەی نەعێرییە رۆژهەڵاتی بەغدا، هەوڵی ئەنجامدانی دراوە”.