ڕاپۆرته‌كان باس له‌وه ده‌كه‌ن كه له ئه‌نجامی ته‌قینه‌وه‌یه‌ك لە “مۆگادیشۆ” پێته‌ختی سوومالی، ۱۷ کەس گیانیان له‌ده‌ستداوه و ٣٠ کەسی دیکەش برینداربوون.
میدیاکانی ناوخۆی سوومالی رایانگەیاندووه، پاشنیوەڕۆی یه‌كشه‌ممه ٢٦ی گه‌لاوێژ تەقینەوەیەکی بەهێز لە یەکێک لە هۆتێلەکانی شاری “مۆگادیشۆ”ی پێته‌خت روویداوە و به‌هۆیه‌وه ١٠ کەس گیانیان له‌ده‌ستداوه و ٣٠ کەسی دیکەش برینداربوون. هاوكات ئه‌ڕته‌شی سوومالی رایگەیاندووە، تەقینەوەکە کاری خۆکوژی بووە و لە ناو هۆتێلێکدا ئه‌نجام دراوه.