سه‌رله‌به‌یانی ڕۆژی دووشه‌ممه ١٢ی جۆزه‌ردان، بوومه‌له‌رزه‌یه‌ك به گوڕی ٤ و ٧ ده‌هۆمی ڕیشتێر له ئۆستانی فارس ڕوویدا.
به‌پێی ناوه‌ندی ڕاگه‌یاندنی بوومه‌له‌رزه ناسیی دامه‌زراوه‌ی ژێئۆفیزیكی زانكۆی تاران، ناوه‌ندی ئه‌م بوومه‌له‌رزه‌یه له ١٦ كیلومیتری ناوچه‌ی “خنج” له ئۆستانی فارس و به قووڵایی دوو كیلومیتری زه‌وی بووه. شایانی باسه، به‌رپرسانی ئۆستانی فارس هه‌تا ئێستا سه‌باره‌ت به زیانه‌كانی ئه‌م بوومه‌له‌رزه‌یه، هیچ زانیارییه‌كیان بڵاونه‌كردووه‌ته‌وه.