ڕه‌دكردنی گه‌ڵاڵه‌ی پێدانی یارمه‌تی به كه‌مئه‌ندامان له شۆرای نیگه‌هبانی ڕژیم
ڕۆژی یه‌كشه‌ممه ٧ی ڕێبه‌ندان، شۆرای نیگه‌هبانی كۆماری ئیسلامی بڕگه‌ی ١٢ی لایه‌حه‌ی به‌رنامه و بودجه‌ی ١٤٠٤ كه بڕیار بوو یارمه‌تی مانگانه بۆ سێ گرووپی خاون پێداویستی ببڕێته‌وه، ڕه‌د كرده‌وه.
بڕیار بوو خێزانی گیانبازان و سه‌ربازان و که‌م‌ئه‌ندامانی سه‌رده‌می شه‌ڕی ئێران و عێراق له ساڵی داهاتوودا یارمه‌تییه‌كی مانگانه به ڕێژه‌ی ٧٥ له سه‌دی حه‌قده‌ستی مانگانه‌یان وه‌ر بگرن، به‌ڵام گه‌ڵاڵه‌كه له‌لایه‌ن شۆرای نیگه‌هبانه‌وه ڕه‌د كراوه و ڕژیمی سه‌ركوتگه‌ر هیچ بایه‌خێكی به ژیانی سه‌خت و پر مه‌ینه‌تی كه‌سانی خاوه‌ن پێداویستی نه‌داوه. به وته‌ی كه‌مئه‌ندامان، ڕێژه‌ی ئه‌و پاره‌یه ٨ ملیۆن و ٧٠٠ هه‌زار تمه‌ن بووه و به له‌به‌رچاو گرتنی ڕێژه‌ی هه‌ڵاوسان، گۆڕانكارییه‌كی ئه‌وتۆ له ژیانی خاوه‌ن پێداویستیه تایبه‌ته‌كان ساز ناكات، به‌ڵام كۆماری ئیسلامی ئه‌وه‌شی نه‌داوه تاكوو كه‌مئه‌ندامان ورده ورده له نێو بچن.