به‌پێی ڕاپۆرتی میدیاكانی ڕۆژئاوای كوردستان، میلیشیاكانی سه‌ر به كۆماری ئیسلامی له شارۆچكه‌ی زه‌هرای سه‌ر به شار حه‌له‌ب، ٥٠ هاووڵاتی ئاواره‌ی عه‌فرینیان ڕفاندووه.
به پێی زانیارییه‌كان، په‌نجا هاووڵاتی كوردی ئاواره‌ی عه‌فرین كه له شارۆچكه‌ی زه‌هرای سه‌ر به شاری حه‌له‌ب نیشته‌جێ بوون و ژن و منداڵیان تێدا بووه، له‌لایه‌ن میلیشیاكانی سه‌ر به كۆماری ئیسلامییه‌وه ڕفێندراون. به‌رپرسانی ئاسایشی ڕۆژئاوای كوردستان ده‌ڵێن: تیرۆریستیه‌كانی سه‌ر به كۆماری ئیسلامی ئه‌و كرده‌وه‌یان به دوای ده‌ستبه‌سه‌ركردنی چه‌ند بازه‌رگانی مادده‌ی هۆشبه‌ر كه ئه‌ندامی ئه‌و گرووپه بوون، ئه‌نجام داوه.