ڕۆژی شه‌ممه ١ی مانگی ڕه‌زبه‌ر، “سەحەر ساڵحیان” خوێندکاری بەشی پەرستاری و خه‌ڵكی سه‌قز، به‌بی به‌ڵگه‌ی قه‌زایی له‌لایه‌ن هێزه‌كانی ڕژیمه‌وه ده‌ستبه‌سه‌ر كرا.
به‌پێی ڕاپۆرته‌كان، “سەحەر ساڵحیان” خوێندکاری زانکۆی زانستە پزیشکییەکانی سنە و یەکێک لە چالاکانی خوێندکاریی ئەم زانکۆیە بەبێ بەڵگەی قه‌زایی دەستبەسەر و بۆ شوێنێکی نادیار ڕاگۆیزراوه. جێگایی ئاماژه‌یه كه تا به ئێستا هیچ زانیارییه‌ك له‌سه‌ر هۆكاری ده‌ستبه‌سه‌ر كردن و شۆینی ڕاگیرانی ئه‌و هاووڵاتیه له‌به‌رده‌ستدا نیه.