ڕۆژی چوارشه‌ممه ١٢ی به‌فرانبار، ده خێزانی به‌لووچ له هێرشی هێزه‌كانی حكوومه‌ت بۆ سه‌ر ماڵه‌كانیان له میرجاوه ده‌ستبه‌سه‌ر كران.
به پێی ڕاپۆرتی كه‌مپه‌ینی چالاكانی به‌لووچ، حاجی مێرۆڵڵا هاوڕێ له‌گه‌ڵ ژن و منداڵه‌كانی، مه‌نان هاوڕێ له‌گه‌ڵ خێزانه‌كه‌ی، مێهرۆڵڵا مێهر هاوڕێ له‌گه‌ڵ باوك و ئه‌ندامێكی دیكه‌ی بنه‌ماڵه‌كه‌ی، مه‌حموود، سیاخان هاوڕێ له‌گه‌ڵ بنه‌ماڵه‌كه‌ی و ئاسف هاوڕێ له‌گه‌ڵ ژن و منداڵه‌كه‌ی له‌لایه‌ن هێزه‌كانی سپای پاسدارانه‌وه ده‌ستبه‌سه‌ر و بۆ شوێنێكی نادیار ڕاگوێزراون. تا كاتی داڕشتنی ئه‌م هه‌واڵه زانیارییه‌ك له‌سه‌ر ناسناوی به‌ندكراوانی دیكه و هۆكاری ڕفاندنیان له‌به‌رده‌ست دا نییه.