ڕۆژی ڕابردوو، وەزیری دەرەوەی ئیسرائیل ڕایگەیاندووە کە ئیسرائیل بەرپرسیاری گۆڕینی ڕژیم لە ئێران نییە و پێویستە خەڵکی ئێران هەوڵی گۆڕینی ڕژیم بدەن.
بەپێی ڕاپۆرتەکان، “گیدئۆن ساعر” وەزیری دەرەوەی ئیسرائیل، ئاماژەی بەوە کردووە کە کۆماری ئیسلامی بە توندی سەرکوتی ناڕەزایەتییەکانی کردووە و بەهۆی کوژران و دەستبەسەرکرانی دەیان هەزار کەس، ئێستا بۆ خەڵک دژوارە بێنەوە سەر شەقام، بەڵام جەختی لە سەر ئەوە کردەوە کە “ڕژیمی کۆماری ئیسلامی بۆ هەتاهەتایە نامێنێتەوە و ئێران بەرەو قەیرانێکی گەورەی ئابووری هەنگاو دەنێت. هەروەها ناوبراو ڕایگەیاند کە بەو مەرجەی کە ئێران تەواوی ئۆرانیۆمی پیتێنراو لە وڵات بباتە دەرەوە و چیتر پیتاندن ئەنجام نەدات، پاڵپشتی لە هەوڵە دیپڵۆماسییەکانی دۆناڵد ترامپ دەکەن.