وەزارەتی تەندروستی حکومەتی هەرێم بڕیاریدا کاری ٣٣ کۆمپانیای وه‌به‌رهێنانی دەرمان بەهۆی پابەندنەبوون بە ڕێنماییەکان و پێوەری نوێکردنەوەی موڵەتەوە، ڕابگرێت.
لە راگەیەندراوێکدا وەزارەتی تەندروستی هەرێمی كوردستان ڕایگه‌یاندووه، لە دووەم قۆناغی چاكسازی لە بواری دەرمان و پێداویستی پزیشكیدا، لە بەر پابەند نەبوون بە رێنماییەكان و پێوەری نوێی مۆڵەت نوێكردنەوە و كۆگاكردن، بڕیاردرا بە داخستن و لەكار ڕاگرتنی كار و چالاكییەكانی ٣٣ كۆمپانیای دەرمان و پێداویستی پزیشكی. وەزارەتی تەندروستی ئاماژەی بۆ ئەوەش کردوە، بۆ بڕیارەکە پشتیان بەستووە بە بڕیاری حکومەتی هەرێم بۆ چاکسازی لە بواری دەرمان و نوسراوی سەرۆکایەتی داواکاری گشتیی.