ڕاپۆرته‌كان باس له‌وه ده‌كه‌ن كه هاووڵاتییەکی خه‌ڵكی شاری شنۆ کە له مانگی پووشپەڕی ئەمساڵ دەستبەسەر کرابوو، لە لایەن ده‌زگای قه‌زایی ڕژیمه‌وه سزای ٣٠ مانگ زیندانی بۆ بڕایەوە و بە مەبەستی جێبەجێ کرانی حوكمه‌كه‌ی دەستبەسەر کرا.
بە پێی ئه‌م ڕاپۆرته، لەماوه‌ی ڕۆژانی ڕابردوودا، هاووڵاتییەکی خەڵکی شاری شنۆ بە ناوی “ئەسکەندەر محەممەدپوور”، بە مەبەستی جێبەجێ کرانی سزای دوو ساڵ و شەش مانگ بەندکرانەکەی دەستبەسەر و گوازرایەوە بۆ زیندانی ناوەندیی ئەم شارە. ئەسکەندەر محەممەدپوور، تەمەن ٣٠ ساڵ، ڕۆژی یەکشەممە ١٥ی پووشپەڕی ئه‌مساڵ وێڕای چەند هاووڵاتیی دیکەی خەڵکی ئه‌مشاره، لە لایەن هێزەکانی ئیدارەی ئیتلاعاتەوە دەستبەسەر و پاش سێ مانگ، بە دانانی وه‌سیقه و بە شێوەی کاتی له زیندان ئازاد کرابوو. ناوبراو، سەرئەنجام لە وه‌رزی پاییزی ئەمساڵدا لە لایەن دادگای گشتیی شاری شنۆ بە تۆمەتی “هاوکاری لەگەڵ یه‌كێك له حیزبه نه‌یاره‌كانی ڕژیم”، سزای دوو ساڵ و شەش مانگ بەندکرانی بۆ بڕایەوە.