ئێوارەی ڕۆژی هەینی ١٩ی مانگی ڕه‌زبه‌ر، وەزارتی دەرەوەی هۆله‌ند بەهۆی هێرشەکانی تورکییه‌وە بۆ سەر باکور و رۆژهەڵاتی سورییه، بڕیاریدا هەناردەکردنی پشتیوانی سەربازی بۆ تورکییه رابگرێت.
نوێنەرێکی وەزارەتی دەرەوەی هۆله‌ند راگەیاندوە، “حکومەتی هۆله‌ند بڕیاریداوە پشتیوانی و هەناردەی چەک بۆ تورکییه رابگرێت، تا ئەو کاتەی دۆخەکە گۆڕانکاری بەسەردا دێت. شایانی باسه،وڵاتی هۆله‌ند هاوشانی تورکییه ئەندامی هاوپەیمانی نێودەوڵەتی “ناتۆ”یە و لە ئێستاش دا لەدوای نەرویژ، هۆله‌ند دەبێتە دوەم وڵاتی ئەندامی ناتۆ کە لەدوای لەشکرکێشی تورکییه بۆسەر رۆژئاوای کوردستان، بڕیاربدات پشتیوانییە سەربازییەکانی بۆ تورکییه‌ی هاوپەیمانی رابگرێت.