وەزیری تەندروستیی هەرێمی کوردستان ڕۆژی پێنجشه‌ممه ٢٢ی جۆزه‌ردان رایگەیاند، ئەمڕۆ زۆرترین ژمارەی تووشبو به کۆرۆنا لە هەرێمی کوردستان تۆمارکراوە و گه‌یشتووه‌ته ١٨٠ كه‌س.
وه‌زیری ته‌ندرووستی له كۆنگرەیەكی رۆژنامەوانیدا ئاماژەی بەوە کرد، له هەولێر، ٦١ كه‌س، سلێمانی، ٨١ كه‌س، هەڵەبجە، پێنج كه‌س، گەرمیان، ١٩ كه‌س، راپەڕین، ١٢ كه‌س و دهۆک ٢ كه‌س، به‌م ویرووسه گیرۆده بوون. ئاماژەی بەوەش کرد کە تاوەکو ئێستا ١٨٩١ كه‌س له هه‌رێمی كوردستان بە ویرووسی کۆرۆنا تووشبون و له‌و ژماره‌یه، ٣٥ كه‌س گیانیان له‌ده‌ستداوه و ٥٥٩ کەسیان چاکبونەتەوە و ١٢٩٧ كه‌سیش لە نەخۆشخانەکاندا ماونه‌ته‌وه.