ڕۆژی هه‌ینی ٢٩ی پووشپه‌ڕ، ناڕه‌زایه‌تیه‌كانی خه‌ڵكی به‌نگلادش دژبه ده‌وڵه‌تی ئه‌و وڵاته له هه‌شته‌مین ڕۆژدا به‌رده‌وام بوو و ئاماری قوربانیانی سه‌ركوت بۆ ١٠٥ كه‌س به‌رز بووه‌وه.
پاش بڕیاری ده‌وڵه‌ت بۆ دامه‌زراندنی بنه‌ماڵه‌ی گیانبازانی سه‌رده‌می شه‌ڕی سه‌ربه‌خۆیی به‌نگلادش، شه‌پۆلێك له ناڕه‌زایه‌تی له‌لایه‌ن خوێندكاران و قوتابیانی ئه‌و وڵاته ده‌ستی پێكرد. له ماوه‌ی هه‌شت ڕۆژی ڕابردوودا، كرێكاران و خه‌ڵكی مه‌ده‌نیش به‌و بزووتنه‌وه په‌یوه‌ست بوون و له‌گه‌ڵ هێزه‌كانی حكوومه‌ت به شه‌ڕ هاتوون. به‌پێی دوایین ئاماره‌كان، ١٠٥ كه‌س به ته‌قه‌ی هێزه ئه‌منیه‌تیه‌كان گیانیان له‌ده‌ست داوه و به سه‌دان كه‌سی دیكه‌ش بریندار بوون.