به‌پێی ڕاپۆرتی هه‌واڵده‌ری ده‌وڵه‌تی توركیه، دادگای باڵای ئیداری ئه‌و وڵاته، بڕیاری ره‌جه‌ب ته‌ییب ئه‌ردوغان سه‌رۆك كۆماری ئه‌و وڵاته‌ی له‌سه‌ر چوونه ده‌ره‌وه له په‌یماننامه‌ی پاڵپشتی كردنی ژنان له به‌رانبه‌ر توندووتیژی جێبه‌جێ كرد.
به‌پێی ئه‌و په‌یماننامه‌یه، وڵاتانی ئه‌ندام ئه‌ركدار ده‌ركرێن كه به‌كار هێنانی هه‌ر جۆره توندوتیژییه‌ك له به‌رانبه‌ر ژنان به تاوان بناسێت و تاوانبار بۆ وه‌رگرتنی سزاكه‌ی ڕه‌وانه‌ی دادگا بكات. جێگای ئاماژه‌یه ئه‌ردوغان ساڵی ڕابردوو به بڕیارێك وڵاته‌كه‌ی له كۆنوانسیۆنی ئیستانبۆڵی شۆرای ئه‌ورووپا كشانده‌وه و وه‌ك كاردانه‌وه‌یه‌ك ڕێكخراوه‌كانی مافی ژنان له به‌رانبه‌ر ئه‌و بڕیاره‌دا ڕژانه سه‌ر شه‌قامه‌كانی ئه‌و وڵاته و ناڕه‌زایه‌تییان ده‌ربڕی.