دوانیوه‌ڕۆی ڕۆژی دووشه‌ممه ٢٧ی خه‌زه‌ڵوه‌ر، خه‌ڵكی خه‌باتكاری شاری مه‌ریوان سه‌ره‌ڕای فه‌زای ئه‌منییه‌تی و ئاماده‌بوونی به‌ربڵاوی هێزه ئینتزامییه‌كان له‌ئاستی ئه‌مشاره، بۆ چواره‌مین ڕۆژی به‌رده‌وام هاتنه سه‌ر شه‌قامه‌كان و خۆپیشاندانیان ئه‌نجام دا.
ڕاپۆرته‌كان باس له‌وه ده‌كه‌ن كه به هه‌زاران كه‌س له هاووڵاتییانی مه‌ریوان كه له مه‌یدانه‌كانی “شه‌بره‌نگ، سه‌رباز و باوه ڕه‌شی” كۆببوونه‌وه، له‌دژی گرانی و بێكاری درووشمیان وتووه‌ته‌وه. شایانی باسه، ئه‌م خۆپیشاندانه له لایه‌ن هێزه ئه‌منییه‌كانی ڕژیمه‌وه به‌ره‌و توندووتیژی كێشراوه. پێویسته ئاماژه بكرێت كه له ئه‌نجامی ئه‌م تێكهه‌ڵچوونه ژماره‌یه‌كی زۆر له خۆپیشانده‌ران بریندار و ژماره‌یه‌كی دیكه‌ش ده‌ستبه‌سه‌ر كراون.