له چه‌ند ڕۆژی ڕابردوودا، باوك و كوڕێكی خه‌ڵكی خاش له‌لایه‌ن ئیتلاعاتی سپای پاسداران ده‌ستبه‌سه‌ر كراون و له دوو ڕووداوی ته‌قه‌كردن و ئاگرگرتنی ئۆتومبێل دا، دوو سووختبه‌ر گیانیان له‌ده‌ست داوه و سووختبه‌رێكی دیكه بریندار بووه، هه‌روه‌ها ژێنكی خه‌ڵكی شارستانی سیب و سۆران له‌لایه‌ن براكه‌یه‌وه به چه‌ك كوژراوه.
ڕۆژی پێنجشه‌ممه باوك و كوڕێكی خه‌ڵكی خاش به ناوه‌كانی هاشم كوردی ته‌مه‌ندانی و سه‌عید كوردی ته‌مه‌ندانی له‌لایه‌ن سپای پاسدارانه‌وه ڕفێندراون و زانیارییه‌ك له‌سه‌ر چاره‌نووسیان له‌به‌رده‌ست دا نییه. له‌لایه‌كی دیكه‌وه، سووختبه‌رێكی خه‌ڵكی هیرمه‌ند به ناوی محه‌ممه‌د سه‌رگه‌زی به ته‌قه‌ی هێزه‌كانی ڕژیم بریندار بووه. له شارستانی خاش، دوو سووختبه‌ری دیكه به ناوه‌كانی گوڵمحه‌ممه‌د به‌راهوویی و عه‌بدۆلمه‌جید به‌راهوویی به‌هۆی ڕووداوی هاتووچۆ له نێو ئاگردا سووتاون و گیانیان له‌ده‌ست داوه. له هه‌واڵێكی دیكه‌دا، ژنێكی گه‌نجی خه‌ڵكی گوندی چامیری سه‌ر به شارستانی سیب و سۆران به ناوی فه‌رزانه سپاهی، له‌لایه‌ن براكه‌یه‌وه به بیانووی كێشه‌ی خێزانی كوژراوه و ته‌رمه‌كه‌ی پاش یه‌ك هه‌فته دۆزراوه‌ته‌وه.