کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

چاندنی نه‌مامی به‌ڕوو له‌لایه‌ن چالاكانی ژینگه‌یی له‌ كرماشان

چاندنی نه‌مامی به‌ڕوو له‌لایه‌ن چالاكانی ژینگه‌یی له‌ كرماشان

ڕۆژی چوارشه‌ممه‌ ٦ی مانگی گوڵان، كۆمه‌ڵێك له‌ چالاكانی ژینگه‌یی داڵاهووی كرماشان به‌ چاندنی ٣٠ هه‌زار نه‌مامی به‌ڕوو له ‌داوێنی چیاكانی ناوچه‌كه‌ سه‌ره‌نجی كۆمه‌ڵگه‌یان بۆ ڕێز لێنان له‌ سرووشت و ژینگه‌ ڕاگه‌یاند.

به‌پێی ڕاپۆرته‌كان، ڕێكخراوه‌كانی ژینگه‌پارێزی ناوچه‌ی داڵاهوو هه‌ر ساڵه‌ به ‌مه‌به‌ستی پاراستنی ژینگه‌ و سرووشتی ناوچه‌كه‌، هه‌روه‌ها قه‌ره‌بووكردنه‌وه‌ی زیانه‌كانی ئاگركه‌وتنه‌وه‌ی دارستانه‌كان له‌ساڵانی ڕابردوو نه‌مامی به‌ڕوو له‌ داوێنی كوێستانه‌كان ده‌چێنن. ئه‌مساڵیش چالاكانی ژینگه‌یی ٣٠ هه‌زار نه‌مامیان له‌ داوێنی چیاكان چاند و داوایان له‌خه‌ڵك كرد سرووشت و ژینگه‌ی كوردستان بۆ نه‌وه‌كانی داهاتوو بپارێزن و ڕایانگه‌یاند: ڕێزلێنان له‌ ژینگه‌، ڕێزلێنان له‌ مرۆڤایه‌تیه‌‌.