به‌پێی هه‌واڵی گه‌یشتوو، شه‌وی پێنجشه‌ممه ٣ی ڕه‌شه‌مه، كۆمه‌ڵێك له دۆستان و لایه‌نگرانی كۆمه‌ڵه و حیزبی كۆمۆنیستی ئێران له شاری سنه، دژبه شانۆی هه‌لبژاردنه‌كانی مه‌جلیسی كۆماری ئیسلامی له كێوی ئاویه‌ر چالاكییان ئه‌نجام دا.
به‌پێی ئه‌و ڕاپۆرته، گه‌نجانی ئازادیخواز و به‌رابه‌ری ته‌ڵه‌بی سنه به بڵاوكردنی تراكت و نووسینی دروشم، سۆسیالیزمیان وه‌كوو ئاڵترنانتیوێكی به‌هێز بۆ دواڕۆژی دوای ڕووخانی كۆماری ئیسلامی ناو برد. چالاكوانان دروشمه‌كانی “بژی كۆمه‌ڵه و بژی حیزبی كۆمۆنیستی ئێران”، “بژی هاوڕێیان حه‌مه‌حسێن كه‌ریمی و عۆمه‌ر فه‌یزی”، “بژی خۆشكانی ڕۆسته‌م گورجی”، “نا بۆ هه‌ڵبژارده‌كانی ١٤٠٢”، “ئازادی و به‌رابه‌ری، حكوومه‌تی شۆرایی” و “بژی سۆسیالیزم”یان به‌سه‌ر دیوار، شه‌قام و تابلۆكانی ده‌ورووبه‌ری شاری سنه و كێوی ئاویه‌ردا نه‌خشاند.