ڕۆژی شه‌ممه ٦ی ڕێبه‌ندان، ئێرانیانی ئازادیخواز له وڵاته‌كانی سوید، دانمارك و ئاڵمان دژ به ئێعدامی به‌ندكراوان له‌لایه‌ن كۆماری ئیسلامییه‌وه خۆپێشاندانیان كرد.
به‌پێی ڕاپۆرته‌كان، ئێرانیانی ئازادیخواز به به‌ده‌سته‌وه‌گرتنی وێنه‌ی قوربانیانی سه‌ركوتی چوار ده‌یه‌ی ڕابردووی كۆماری ئیسلامی و وتنه‌وه‌ی دروشم، له به‌رده‌م نوێنه‌رایه‌تیه‌كانی ڕژیم له ستۆكهۆڵم، كۆپێنهاگن، كۆڵن و هامبوورك كۆبوونه‌ته‌وه و خوازیاری هه‌ڵوه‌شانه‌وه‌ی سزای سێداره و ئازادی به‌ندكراوانی سیاسی بوون.