ڕۆژی ڕابردوو، کۆمەڵێک لە هاوڕێیان و لایەنگەرانی کۆمەڵە و حیزبی کۆمۆنیستی ئێران لە کرماشان، بە بڵاوکردنەوەی پەیامێک ڕێزیان لە یادی کاک محەممەد حسێنی کەریمی و ساڵڕۆژی عەلەنی بوونی خەباتی پڕ لە شانازی کۆمەڵە گرت.
لەو پەیامەەدا ئاماژە بەوە کراوە کە ٢٦ی ڕێبەندان وەکوو خاڵێکی گرنگ لە مێژووی خەباتی سیاسی کوردستاندا ناسراوە و بە هێمای دژایەتی ڕژیمی کۆنەپەرەستی کۆماری ئیسلامی و سیستەمی پاشایەتی ناودەبرێت. لە درێژەی پەیامەکەدا جەخت لە سەر ئەوە کراوەتەوە کە کۆمەڵە پاش شۆڕشی زەوت کراوی ١٣٥٧ی هەتاوی، یەکێک لە هێزە کاریگەرە چەپەکان لە کوردستانە کە له پێناو ئازادیخوازی و بەرابەری چینایەتی لە ئێران و کوردستان درێژهی به خهبات داوە. لە کۆتاییدا ڕێزیان لە یادی هەموو گیانبەختکردووانی ڕێگای ئازادی و بەندکراوانی سیاسی لە زیندانەکانی کۆماری ئیسلامی گرتووە و پەیمانیان لەگەڵ ئامانجەکانیان نوێ کردووەتەوە.