فەرمانگەی میدیا و زانیاریی حکوومەتی هەرێمی کوردستان دەڵێ، لە دەستپێکی جەنگی ئەمریکا و ئیسرائیل لەگەڵ ئێران، هەرێمی کوردستان ٨٠٩ هێرشی کراوەتە سەری.
ڕاگەیێندراوەکەی فەرمانگەی میدیا و زانیاریی حکوومەتی هەرێمی کوردستان، کە ڕۆژی شەممە بڵاوکراوەتەوە، باس لەوە دەکات کە: هەرێمی کوردستان لە ڕیزبەندی یەکەمی ئەو وڵاتانەدا دێ کە بەشداریی ئەو شەڕە نین بەڵام زۆرترین زیانی گیانی و ماڵییان بەرکەوتووە. بەگوێرەی ڕاپۆرتەكەی حکوومەتی هەرێمی کوردستان، بەهۆی هێرشەکانی سەر هەرێمی کوردستانەوە هەتا ئێستا “٢٠ کەس گیانیان لەدەستداوە و ١٢٣ کەسیش بریندار بوون و سەدان هاووڵاتییش زیانی مادی بە ماڵ و شوێنی کار و ئۆتۆمبێلەکانیان گەیشتووە“.