بەهۆی پێکدادانی پاسێک و تڕێلەیەک لە ڕۆژئاوای تورکیا، ١١ کەس گیانیان لەدەستدا و ٢٧ کەسی دیکەش بریندار بوون.
ئەم ڕووداوە لە نێوان شاری گەشتیاریی بورسا و بەندەری ئیزمیردا ڕوویداوە .ئاژانسی هەواڵی تورکیا وێنەیەکی شوێنی ڕووداوەکەی بڵاوکردووەتەوە کە تێیدا دەردەکەوێت پاسەکە بەسەر بەربەستەکانی تەنیشت ڕێگاکەدا وەرگەڕاوە و جامی پێشەوەی شکاوە.
میدیاکانی تورکیا دەڵێن شۆفێری بارهەڵگرەکە و پاسەکە لە چوارچێوەی لێکۆڵینەوەکاندا دەستبەسەر کراون. لەبارەی دۆخی تەندروستییانەوە هیچ زانیارییەک بڵاونەکراوەتەوە.