ڕێكخراوی نەتەوە یەکگرتووەکان بۆ کاروباری پەنابەران به بۆنه‌ی ڕۆژی جیهانیی په‌نابه‌ران په‌یامێكی له ژێر ناوی “هه‌موو كردارێك گرنگه” بڵاوكردووه‌ته‌وه و ڕایگه‌یاندووه: شەڕ و ئاژاوە، برسێتی و خراپی باری ئابوری بووەتەهۆی کۆچکردنی نزیکەی ٨٠ ملیۆن لە سەراتاسه‌ری جیهاندا، ئەمەش نزیکەی دوو هێندەی دە ساڵی ڕابوردووە.
هاوكات بەڕێوەبەری ئاژانسی كۆچبه‌ری ڕێكخراوی نه‌ته‌وه یه‌كگرتووه‌كان ڕایگه‌یاندووه: تەنها لە ئافریقا به‌هۆی شەڕ و پێکدادان له نێوان کۆماری دێمۆکراتی کۆنگۆ و بۆرکینا فاسۆ، نزیکەی ٦ ملیۆن و ٣٠٠ هەزار پەنابەری زیاد کردووە. ناوبراو له وتووێژ له‌گه‌ڵ هه‌واڵنێریی ڕوویتێرز ڕاگەیاندووە: ئه‌مڕۆكه نزیکەی ٨٠ ملیۆن کەس لە سه‌رتاسه‌ری جیهاندا ئاوارە بوون. ده‌شڵێ: لە ڕۆژی جیهانی پەنابەراندا ئەو پەیامەی کە ئەمساڵ هەمانە ئاماژە بەوە دەکات کە دەتوانین پێکەوە گۆڕانکاری ئەنجام بدەین و هەمو کردارێکیش گرنگی خۆی هەیە.