به پێی ڕاپۆرته بڵاوكراوه‌كان، كرێكارانی قه‌تاری شاریی ئه‌هواز، مه‌شهه‌د، ته‌ورێز و كرماشان، چه‌ندین مانگه كه حه‌قده‌سته‌كانیان پێ نه‌دراوه.
شایانی باسه، كرێكاران به‌نیازن له‌ئه‌گه‌ری په‌رداخت نه‌كردنی حه‌قده‌ست و مه‌زایا دواخراوه‌كانیان له ماوه‌ی ڕۆژانی داهاتوودا، ده‌ست له‌كار بكێشنه‌وه و كۆبوونه‌وه‌ی ناڕه‌زایه‌تیی به‌ڕێوه‌به‌رن. له‌م پێوه‌نده‌دا،ڕۆژی هه‌ینی ژماره‌یه‌ك له كرێكارانی قه‌تاری شاریی ئه‌هواز به ئاماده‌بوون له نۆژی جومعه و وتنه‌وه‌ی چه‌ندین درووشم، خوازیاری پێڕاگه‌یشتنی كاربه‌ده‌ستان به كێشه‌وگرفته‌كانیان بوون. هه‌روه‌ها كرێكارانی مێترۆی ئه‌هواز و تاران له ماوه‌ی چه‌ند مانگی ڕابردوودا چه‌ندین جار له ناڕه‌زایه‌تیی به دواخرانی حه‌قده‌سته‌كانیان و بیلاته‌كلیفی كاریان ده‌ستیان له‌كار كێشابووه‌وه و مانیان گرتبوو، به‌ڵام هه‌تا ئێستا نه‌یانتوانیوه حه‌قده‌ست و مه‌زایا دواخراوه‌كانیان وه‌ربگرن.