ڕۆژی یه‌كشه‌ممه ٢٣ی به‌فارنبار، به‌ندكراوانی سیاسی زیندانی جۆوه‌ین له ڕاگه‌یاندنێك دا په‌یوه‌ست بوونی خۆیان به كارزای سێشه‌ممانه‌ی نا بۆ ئێعدام ڕاگه‌یاند.
به په‌یوه‌ست بوونی به‌ندكراوانی سیاسی جۆوه‌ین به كارزاری نا بۆ ئێعدام، ڕێژه‌ی ئه‌و به‌ندیخانانه‌ی په‌یوه‌ست به كارزاری سێشه‌ممانه‌ی نا بۆ ئێعدام بوون گه‌یشتووه‌ته ٣٣ زیندان. به‌ندكراوانی ئه‌و زیندانه ڕایانگه‌یاندووه كه به‌هۆی چوونه‌سه‌ره‌وه‌ی ئاماری ئێعدامه‌كان و پشتڕاستبوونه‌وه‌ی سزای سێداره‌ی سێ به‌ندكراوی سیاسی له دیوانی باڵای وڵات هاوڕێ له‌گه‌ڵ به‌ندكراوانی سیاسی دیكه سێشه‌ممه‌ی هه‌موو حه‌فته‌یێك له خواردن مان ده‌گرن.