بەپێی ڕاپۆرتی ڕۆیتێرز، ئیمەیڵێکی ناوخۆی پێنتاگۆن نیشان دەدات کە ئەمریکا لە حاڵی لێکۆڵینەوەدایە بۆ سزادانی هەندێک لە هاوپەیمانانی ناتۆ کە بەوتەی واشنگتۆن هاوکاریی تەواویان نەکردووە لە شەڕی دژی ئێراندا.
هەڵپەساردنی ئیسپانیا لە ناتۆ و هەروەها گۆڕینی هەڵوێستی ئەمریکا لەسەر داواکاریی بریتانیا سەبارەت دوورگەکانی فالکلەند لە زومرەی ئەو سزایانە دەبن. هەروەها پێشنیار کراوە هەندێک وڵات لە پۆستە گرینگەکانی ناتۆ لاببرێن. بەڵام لەم ڕاپۆرتەدا هیچ ئاماژەیەک بە ئەگەری دەرچوونی ئەمریکا لە ناتۆ یان داخستنی بنکە سەربازییەکانی لە ئورووپا نەکراوە.