به وته‌ی سه‌رچاوه‌كانی هه‌واڵ، هێزه ئه‌منیه‌تیه‌كانی مهاباد له هه‌موو گه‌ڕه‌ك و شه‌قامه‌كانی ئه‌و شاره‌دا جێگیر كراون و ئۆتومبێل و مۆبایلی خه‌ڵك ده‌پشكنن.
به‌پێی زانیارییه‌كان، سه‌ركوتگه‌رانی ڕژیم ڕێگه به خه‌ڵكی سه‌ر شه‌قامه‌كانی مهاباد ده‌گرن و مۆبایله‌كانیان ده‌پشكنن. گه‌ر كه‌سێك وێنه‌ی شه‌ڕی ئێران و ئیسڕائیلی هه‌ڵگرتبێت، ده‌ستبه‌سه‌ر و ڕه‌وانه‌ی گرتووخانه ده‌كرێت. هه‌روه‌ها هاتووچۆی وانت و باڕهه‌ڵگره‌كان قه‌ده‌غه كراوه و ئۆتومبێلی شارومه‌ندان له‌لایه‌ن هێزه ئه‌منیه‌تیه‌كانه‌وه بازڕه‌سی ده‌كرێت.