ڕۆژی شه‌ممه ٢٩ی مانگی ڕێبه‌ندان، ١١ وه‌زیری ده‌ره‌وه‌ی ژن له وڵاتانی جۆراوجۆری جیهان كه به‌شداری كۆبوونهوهی ئه‌منیه‌تی موونیخ بوون، له به‌یاننامه‌یه‌كدا پشتیوانی خۆیان له خه‌باتی ژنان و پیاوانی ئێرانی بۆ گه‌یشتن به ئازادی و به‌رابه‌ری ڕاگه‌یاند.
به‌پێی ڕاپۆرته‌كان، وه‌زیرانی ده‌ره‌وه‌ی ژن له وڵاتانی ئاڵمان، فه‌ڕانسه، بلژیك، ئالبانی، لیختنشتاین، كانادا، ئیسله‌ند، موغولستان، ئاندۆرا و كۆزۆڤۆ كه به‌شداری كۆبوونهوهی ئه‌مه‌نیه‌تی موونیخ بوون، ڕۆژی شه‌ممه له به‌یاننامه‌یه‌كی هاوبه‌شدا وێڕای ڕێزلێنان له بوێری و ئازایه‌تی ژنان و پیاوانی ئێرانی، پشتیوانی خۆیان له خه‌ڵكی ئازادیخوازی ئێران بۆ گه‌یشتن به ئازادی و به‌رابه‌ری نیشان دا. وه‌زیرانی ژن هه‌روه‌ها ڕایانگه‌یاند: “ته‌نیا ئه‌و شوێنه‌ی ئه‌منیه‌تی تێدایه كه ژنان ئه‌منیه‌تیان پارێزراو بێت، نه ته‌نیا له ئێران و ئه‌فغانستان به‌لكوو له سه‌رانسه‌ری جیهان”.