نزیكه‌ی هه‌زار و ٢٤٢ موعه‌لیم، كرێكار، خانه‌نشینكراو و چالاكی مه‌ده‌نی و سیاسی له به‌یاننامه‌یه‌كدا پشتیوانی خۆیان له پێنج ژنی تێكۆشه‌ری خه‌ڵكی گیلان ده‌ربڕی.
پاش سه‌پاندنی سزای چوار ساڵ زیندان و دوو ساڵ قه‌ده‌غه‌ی چالاكی له گرووپ و ڕێكخراوه سیاسی و مه‌ده‌نییه‌كان به‌سه‌ر پێنج ژنی تێكۆشه‌ری خه‌ڵكی گیلان به ناوه‌كانی “نینا كوڵستانی”،”ڕۆزیتا ڕه‌جایی”، “ئاناهێتا حیجازی”، “نگین عومه‌ری” و “ئاناهیتا دووستدار”، كارزارێك بۆ پشتیوانی له‌و پێنج چالاكه مه‌ده‌نییه ده‌ستی پێكرد و هه‌زار وو ٢٤٢ موعه‌لیم، كرێكار، خانه‌نشینكراو و چالاكی سیاسی و مه‌ده‌نی به‌یننامه‌یه‌كیان بڵاو كرده‌وه و تێدا خوازیاری هه‌ڵوشاندنه‌وه‌ی حوكمه‌كانیان و ئازادی بێ شه‌رت و مه‌رجیان بوون. جێگای ئاماژه‌یه كه پێشتریش ١١ چالاكی مافی ژنانی خه‌ڵكی گیلان له‌لایه‌ن ده‌زگای قه‌زایی ڕژیمه‌وه به ٦٠ ساڵ زیندان سزا درابوون.