دایه شه‌ریفه دایكی نه‌مر ڕامین حسێن په‌ناهی، به‌ندكرای له‌سێداره‌دراو، له په‌یامێك دا وێڕای پشتیوانی كردن له وریشه مورادی داوای لێ كرد كۆتایی به مانگرتنه‌كه‌ی بێنێت.
دایه شه‌ریفه به به‌ده‌سته‌وه‌گرتنی پلاكارد ڕایگه‌یاند: كچه جوانه‌كه‌م، وریشه گیان، داوات لێ ده‌كه‌م كۆتایی به مانگرتنه‌كه‌ت بێنی.ئه‌مڕۆ بزووتنه‌وه‌ی ژنانی ئازادیخواز پێویستی به ژنانی به‌هێزی وه‌كوو تۆ هه‌یه، ڕێگه‌ی خه‌بات درێژه‌ی هه‌یه و ئه‌بێ پێكه‌وه ئه‌و ڕێگایه بپێوین. دایه شه‌ریفه له كۆتایی په‌یامه‌كه‌ی دا وتی: ڕۆژی پێنجشه‌ممه‌ی داهاتوو هاوكات له‌گه‌ڵ ژماره‌یه‌ك له چالاكانی مه‌ده‌نی كوردستان دژبه سه‌ركوتی چالاكانی سیاسی و سزای سێداره مان ده‌گرێت.